Fúsk hjá mbl.is

Ég bara get ekki látið þetta ganga yfir mig. Fyrir utan það að mitt lið, Utah Jazz, er komið í sumarfrí þá lítur út fyrir að mbl.is-menn geri í því að fara með rangfærslur í fréttum sínum um NBA körfuboltann. S.br. "San Antonio komst í 14-0 í upphafi leiks og eftir það voru úrslitin ráðin." Hið rétta er að í stöðunni 16-11 þá gerðu San Antonio 14 stig á móti engu hjá Utah. Vissulega er þetta tittlingaskítur en þetta sýnir fúsk hjá mönnum á mbl.is.

Án þess að hafa kannað það til hlítar þá virðist c.a. 60-75% af greinum um NBA innihalda svona smávægilegar villur.

Annars er ég mjög sáttur, sem Utah Jazz aðdáandi, með veturinn. Liðið komst lengra í úrslitakeppnina heldur en maður bjóst við. Liðið slapp með alvarleg meiðsli og við vitum það að Deron Williams er algjör gullmoli. Næsti vetur verður spennandi þar sem liðið öðlaðist dýrmæta reynslu núna í úrslitakeppninni.

NBA: San Antonio meistari í Vesturdeild

Athugasemdir

[Pétur (IP-tala skráð) 31.5.2007 kl. 09:09]

Spurs ráða!

[Finnur (IP-tala skráð) 31.5.2007 kl. 09:56]

Velkominn á netið "fellow" Jazz aðdáandi. Framtíðin er björt hjá Utah. Liðið er ungt og ef Deron Williams tekur jafn miklum framförum aftur eftir þetta sumar verður hann skrímsli. Við þurfum þó meira stabílan center. Okur er alltof mistækur.

[AG (IP-tala skráð) 31.5.2007 kl. 12:23]

Sammála, skulum heldur ekki gleyma að nú væri staðan 3-2 Spurs í vil ef sanngjarnt hefði verið dæmt í leik nr. 4.

[Ólafur Guðmundsson, 31.5.2007 kl. 13:23]

Við skulum ekki gleyma því að ef sanngjarnt hefði verið dæmt, þá væri Utah örugglega með allavega einn titil og Stockton og Malone báðir með hringa. Í leik 6 í úrslitunum 1998 þá voru þrjú stig tekin af Utah og tveimur stigum bætt við Bulls og leikurinn vannst með tveimur stigum af Bulls sem urðu við það meistarar. 

Takk fyrir að bjóða mig velkominn, Finnur Jazz-aðdáandi. Já framtíðin er svo sannarlega björt hjá Utah og þeir komust lengra en ég bjóst við í úrslitakeppninni þetta árið. Ég gerði mér vonir um að komast í aðra umferð þannig að úrslit vesturstrandar er betra en mínar væntingar.

Ég efast stórlega um það að Deron Williams taki jafn miklum framförum og hann gerði síðasta sumar. Hann er kominn á stall með bestu leikstjórnendum NBA deildarinnar. Okkar helsta markmið ætti að vera að fá góðan skotbakvörð. Ég, fyrir mitt leiti, vil ekki hræra of mikið í kjarnanum í okkar liði (Boozer, Williams, Kirilenko og Okur). Við skulum ekki gleyma því að Okur er "All-star" og þó að hann hafi ekki verið upp á sitt besta í seríunni á móti San Antonio þá hefur hann oft á tíðum verið maðurinn sem gerir gæfu muninn fyrir okkur síðustu 2-3 ár. Kirilenko var óvenju slakur í vetur en ef hann verður eins og hann var í einvíginu á móti Golden State  og síðari hlutann á móti Houston þá er hann gullsígildi.

[AG (IP-tala skráð) 31.5.2007 kl. 14:40]

Ólafur!?!?! Ég hélt ég væri einn um að sjá þetta samsæri, takk fyrir, ég met það óendanlega að eiga skoðanabróður í þessum efnum. Utah varð líka NBA meistari arið 1997, að mínu mati.

Það er t.d. óskiljanlegt að Sloan hafi aldrei verið valinn þjálfari ársins, algjörlega óskiljanlegt með öllu!

Sammála um að ekki megi hræra og mikið í þessum kjarna, en við eigum líka flotta gaura í Harpring (sem er minn uppáhalds maður), Millsap er æðislegur,  Dee Brown lofar góðu.

Utah hins vegar sárvantar góðan tvist sem getur skapað sitt eigið skot sem og spilað vörn. Það er ekki Giricek, því miður. Spurningin er auðvitað hvað Utah fær, oghvað þurfa þeir að láta í staðinn. 

[Ólafur Guðmundsson, 31.5.2007 kl. 15:26]

Ánægjulegt að fleiri séu á sama máli og ég um "samsærið".  Já, það er rétt!! Það varð harðlega brotið á Utah árið 1997. Í ljósi þess að Scottie Pippen greip tvisvar, á loka mínútu, í körfuhringinn þegar Shandon Anderson fór upp í sniðskot (4 stig). Það er "goaltending" og Bulls unnu leikinn með 2-3 stigum.

Já, Harpring hefur verið drjúgur fyrir okkur í gegnum árin og Millisap á svo sannarlega heima í þessu liði. Dee Brown er fínn, þó að hann verði væntanlega ekki einn af máttarstólpum liðsins í framtíðinni.

Í sambandi við skotbakvörð, þá er sárt að sjá Pavlovic plumma sig vel í liði Cleveland. Það er drengur sem að við glopruðum frá okkur. Það virðist vera ágætt efni á ferð. Það yrði áhugavert að fá einhvern gamlan og reyndan í þessa stöðu, einhvern sem er í lélegu liði en vill fara í lið sem er líklegt til að berjast um titilinn á næstu árum (Utah, að sjálfsögðu). Þá kemur jafnvel Paul Pierce upp í hugann.

[AG (IP-tala skráð) 31.5.2007 kl. 16:49]

Sammála þér, málið er þegar maður ræðir þessi mál eins og með Pippen þá ertu kallaður ofsóknarbrjálaður.

Í þessum sama leik, 6. leik 1997 þá skorar Steve Kerr er um rúmlega ein sekúnda er eftir. Utah fær ekki að taka innkast, 4ja stiga munar og samkv. reglur kallast þetta "game delay" eða eitthvað. Utah átti því að fá víti og gat jafnað þá með3ja stiga skoti.

Satt, sárt að sjá eftir Pavlovic, ég trúi því að AK eða Okur verði látnir fara frá Utah í skiptum fyrir tvist. Þeir verða líka að losa um launaþakið, því að Deron verður laus næsta vor.