Gagnrýnislausar fullyrðingar svokallaðra „Hagsmunasamtaka“ heimilanna!

Það er algjörlega óþolandi hvað fjölmiðlar lepja oft upp vitleysuna í þessum svokölluðu „Hagsmunasamtökum“ heimilanna, sem og öðrum „Hagsmunasamtökum“. Fyrir hvaða hagsmuni eru þessi samtök að berjast? Hvaða hagur er það að fara í greiðsluverkfall með öllum þeim vanskilakostnaði sem því fylgir? Hvaða hag af almennum afskriftum af lánum hafa heimili í leiguhúsnæði sem ná varla endum saman þrátt fyrir að skulda ekki neitt?

Nú halda þessi svokölluðu „hagsmunasamtök“ því fram að 63% lána séu í vanskilum. Ég leyfi mér að stórlega efa það. Vel má vera að 63% lána séu „Non-Preforming Loans“ en er rétt að flokka þau öll sem vanskil? Ég held að lán í frystingu séu inni í þessum flokki. Lán í frystingu er EKKI í vanskilum. Svo mikið er víst. En ég er nokkuð viss um að „Hagsmunasamtök“ heimilanna flokki fryst lán sér í hag. Þessi samtök hafa hrópað „HEIMSENDIR“ alveg frá hruni.

HH: 37% lána í skilum

Athugasemdir

[Sveinn Ríkarður Jóelsson, 11.10.2010 kl. 10:34]

Ég hef ekki orðið var við nein sérstök heimsendahróp, þau eru mun háværari frá stjórnvöldum. Eitt gamalt snérirst um stóru bankana. Það varð að starfrækja bankana áfram, sko það bara varð, þótt þeir væru farnir á hausinn fyrir ári þá bara varð annars er "HEIMSENDIR OG GUÐ BLESSI ÍSLAND". Og núna hróp um niðurskurð í sama anda. Þetta er bara svona og tíðkast hérna, allt keyrt í gegn með gífuryrðum sem standast ekki skoðun.

[Þorgeir Ragnarsson (IP-tala skráð) 11.10.2010 kl. 10:48]

Sveinn, ef anánast allt bankakerfið fer á hliðina, þá stöðvast öll greiðslu- og lánamiðlun og þá stöðvast atvinnu lífið og þá missir fólk vinnuna í miklu meiri mæli.

Ef smá bútur af bankakerfinu fer á hausinn þá skiptir það litlu máli, en ef 90% rúlla þá stöðvast líka mjög margt annað, þrátt fyrir allt var komið í veg fyrir þetta.

[Sveinn Ríkarður Jóelsson, 11.10.2010 kl. 11:07]

Já já, það fóru ekki allar fjármálastofnanir á hliðina og þær áttu bara að hagnast á því að hafa lifa hrunið af, skipta með sér eignasafni á verði sem samið er um. Greiðslu- og lánamilun er ekki bara á höndum 3 stærstu bankanna og geta annara er fyllsta samræmi, aðal munurinn er umfang. Tafir og erfiði í nokkrar daga til vikur (sem gerðist hvort eð er).

[Marinó G. Njálsson, 11.10.2010 kl. 11:17]

Ólafur, HH eru bara að vekja athygli á upplýsingum í skýrslu AGS.  Samkvæmt skilgreiningu eru "non-performing loans" lán sem eru búin að vera í vanskilum í 90 daga eða meira.  Hafir þú einhverja aðra skýringu og byggir hana rökum, þá er gott að sjá hana og tilvísunina í rökin.

Ef þú vilt skjóta sendiboðann, þá er hann AGS.  Við hjá HH erum bara að lesa okkur í gegn um skýrsluna og rákumst á þetta.  Tekið skal fram, að send hefur verið fyrirspurn til AGS á Íslandi til að fá nánari skýringu.

Hagsmunasamtök heimilanna hafa aldrei talað um heimsendi, en við höfum margoft varað við því að hlutirnir væru að þróast í neikvæða átt og því miður nær undantekningarlaust haft rétt fyrir okkur.

[Marinó G. Njálsson, 11.10.2010 kl. 11:20]

Sveinn, mér sýnist að innan við 5% af viðskiptabankakerfi landsins hafi ekki þurft að fara í gegn um fjárhagslega endurskipulagningu með aðkomu ríkissjóðs. 2 - 3 sparisjóðir og MP banki (sem var raunar ekki viðskiptabanki fyrir hrun nema í besta falli í örfáa mánuði).

[Ólafur Guðmundsson, 11.10.2010 kl. 15:33]

Marinó, hver skilgreinir „Non-Preforming Loans“ sem lán í vanskilum í 90 daga eða meira? Ég ætla ekki að fullyrða neitt en ég myndi telja að lán í frystingu (og jafnvel lán í svokallaðri kyrrstöðu) falli undir „Non-Preforming Loans“. Þ.e.a.s. lán sem skila engu af sér. Það er alveg ljóst að lán í frystingu er Ekki í vanskilum!