Afhverju í ósköpunum þarf að afnema verðtryggingu?

Að afnema verðtryggingu? Afhverju í ósköpunum þarf það? Er það ekki stórkostlega broslegt að þegar nefndin og hin svokölluðu "hagsmuna"samtök heimilanna heimti afnám verðtryggingar á sama tíma og þau krefjast fleiri valkosta í lánamálum?

Nú hafa bankarnir boðið óverðtryggð húsnæðislán í fjölda ára (allavega frá því stuttu eftir hrun) en samt sem áður vilja lántakendur mikið frekar verðtryggðu húsnæðislánin. Ástæðan er líklega sú að verðtryggð húsnæðislán eru, til langs tíma, hagstæðari en þau óverðtryggðu.


mbl.is Skýrslu um verðtryggingu fagnað
Tilkynna um óviðeigandi tengingu við frétt

Verðtryggingin úr sögunni!

Loksins loksins geta andstæðingar verðtryggingarinnar (sem virðist vera megin þorri landsmanna) tekið gleði sína á ný sem og óverðtryggð lán.

Verði þeim að góðu, ég ætla að halda mig við verðtryggðu lánin. Enda eru þau hagstæðari fyrir alla ef til lengri tíma er litið.


mbl.is Húsaleiga Íbúðalánasjóðs taki mið af markaðsleigu
Tilkynna um óviðeigandi tengingu við frétt

Gagnrýnislausar fullyrðingar svokallaðra „Hagsmunasamtaka“ heimilanna!

Það er algjörlega óþolandi hvað fjölmiðlar lepja oft upp vitleysuna í þessum svokölluðu „Hagsmunasamtökum“ heimilanna, sem og öðrum „Hagsmunasamtökum“. Fyrir hvaða hagsmuni eru þessi samtök að berjast? Hvaða hagur er það að fara í greiðsluverkfall með öllum þeim vanskilakostnaði sem því fylgir? Hvaða hag af almennum afskriftum af lánum hafa heimili í leiguhúsnæði sem ná varla endum saman þrátt fyrir að skulda ekki neitt?

Nú halda þessi svokölluðu „hagsmunasamtök“ því fram að 63% lána séu í vanskilum. Ég leyfi mér að stórlega efa það. Vel má vera að 63% lána séu „Non-Preforming Loans“ en er rétt að flokka þau öll sem vanskil? Ég held að lán í frystingu séu inni í þessum flokki. Lán í frystingu er EKKI í vanskilum. Svo mikið er víst. En ég er nokkuð viss um að „Hagsmunasamtök“ heimilanna flokki fryst lán sér í hag. Þessi samtök hafa hrópað „HEIMSENDIR“ alveg frá hruni.


mbl.is HH: 37% lána í skilum
Tilkynna um óviðeigandi tengingu við frétt

Þjóðaratkvæðagreiðsla um tvöfalda þjóðaratkvæðagreiðslu.

Ég heimta þjóðaratkvæðagreiðslu um það hvort að við eigum að fara í tvöfalda þjóðaratkvæðagreiðslu eða ekki!!
mbl.is Klækjabrögð eða nauðsyn?
Tilkynna um óviðeigandi tengingu við frétt

Afhverju á að banna eitthvað sem tveir fullorðnir einstaklingar gera af fúsum og frjálsum vilja og skaðar þá ekki?

Af hverju á að banna eitthvað sem tveir fullorðnir einstaklingar gera af fúsum og frjálsum vilja?

Bann við nektardansi er brot á mínu frelsi. Af hverju má ég ekki sýna einstaklingi nekt mína sem vill sjá?


mbl.is Meirihluti vill banna nektardans
Tilkynna um óviðeigandi tengingu við frétt

Flugið til Keflavíkur!

Það liggur alveg ljóst fyrir að þessi staðsetning er lang óhagkvæmust af þeim hugmyndum sem uppi hafa verið. Það er einfaldlega fáránlegt hafa flugvöll í miðbænum sínum. Það má líkja þessu við að geyma heimilisbílinn alltaf inni í stofu hjá sér.

Að vera að tala um að flugvöllurinn sé best staðsettur þarna út af öryggissjónarmiðum er vanhugsað. Jú vissulega er það betra fyrir sjúkraflugið að lenda nánast inn á bráðarmóttöku. Á sama hátt er hægt að halda því fram að sjúkraferðir fyrir það fólk sem kemur til með að búa í Vatnsmýrinni styttist gífurlega m.v. að með flugvellinum þá þarf þetta sama fólk að búa uppi á heiðum í nágreni höfuðborgarinnar

Það er málið. Ef flugvöllurinn fer þá þéttist byggðin og ferðaleiðir styttast. Það er mikið hagsmunamál fyrir höfuðborgarbúa (Við skulum hafa það í huga að það búa tæp 200 þúsund manns á höfuðborgarsvæðinu). Ég þarf t.d. alltaf að krækja framhjá flugvellinum þegar ég fer í háskólann.

Við eigum fínan flugvöll í Keflavík sem ætti vel geta tekið við innanlandsflugi án mikils tilkostnaðar.
mbl.is Vill láta kjósa á ný um Reykjavíkurflugvöll
Tilkynna um óviðeigandi tengingu við frétt

Ekki aprílgabb!!

Þessi frétt ber merki þess að hún sé uppspuni. Ef svo er, þá er þetta virkilega lélegt aprílgabb. Ef ætlunin er að láta fólk hlaupa 1. apríl, þá er lágmark að hafa fréttina þannig að fólk þurfi að hlaupa! Einhvern tíman var sagt við mig að fullkomið aprílgabb væri þegar maður lætur fórnarlambið hlaupa yfir tvo þröskulda.

Fréttaritarar hefðu átt að bæta því við að formleg tilkynning yrði gefin út á Smáralind kl. 17.
mbl.is Schumacher í stað Massa?
Tilkynna um óviðeigandi tengingu við frétt

Ég verð að láta í mér heyra!!

Ekki nóg með það að þetta eru eldgömul úrslit, nánar tiltekið 21. janúar, þá eru þau ekki heldur rétt. Í þessari frétt segir að LA Clippers hafi unnið mitt lið, Utah 109:93!!! Hið rétta er að Utah vann Clippers í þessum leik fyrir rúmum mánuði síðan 109:93.

Ég er nokkuð viss um það að það er verið að gera grín í okkur s.br. við bloggfærslur mínar http://loop.blog.is/blog/loop/entry/227567/. Reyndar þá eru flestar bloggfærslur mínar um það að leiðrétta fréttir frá NBA.

 Uppfært: Loksins er starfsfólk mbl.is búin að laga þetta og nú virðist úrslit næturinnar komin á sinn stað.


mbl.is Flautukarfa frá Redd bjargaði Bucks
Tilkynna um óviðeigandi tengingu við frétt

Auðvitað hafði Utah betur gegn San Antonio!

Það er nú óþarfi að láta það líta út að úrslitin hafi verið óvænt í þessum leik. Fyrir það fyrsta þá er Utah liðið geysi sterkt á heimavelli (19-3), aðeins Dallas (20-3) er með betri árangur á heimavelli í NBA. Þó að San Antonio séu meistarar þá hafa þeir ekki verið góðir í síðustu 10 leikjum. Þeir hafa unnið aðeins fimm af þeim á meðan að Utah eru búnir að vinna 9 af síðustu 10.

Fyrir Utah aðdáanda þá getur maður ekki setið á sér. 


mbl.is Utah hafði betur gegn San Antonio
Tilkynna um óviðeigandi tengingu við frétt

Með bestu reikningunum sem bjóðast í dag!

Ég er eiginlega orðlaus yfir heimskunni í fólki (ég neyðist til að nota það orð). Fólk er algjörlega að misskilja þessa frétt (sem er kannski ætlunin með þessari fréttamennsku). Það má vel vera að vaxtaraukinn af 100.000 krónum gefi 300 krónur í vasa viðskiptavinarins, ekki ætla ég að fara að reikna það. En hitt má má ekki gleymast að þessir reikningar sem falla undir þetta tilboð og sem SPRON er að bjóða eru með betri ef ekki bestu innlánsreikningar sem að bankakerfið býður upp á í dag.

Tökum dæmi um einstakling sem vil ávaxta t.d. 10.000 krónur ("Venjulegur launamaður sem ekki á 100.000 krónur aflögu") án þess að binda þær inn á reikning. Í fljótu bragði þá býðst honum þetta:

SPRON: Vaxtarbót 12,70% (viðbótarvaxtarálag 0,1%-0,4% eftir því hve lengi upphæðin er óhreyfð).

Kaupþing:  Netdreifing 12,45%

Landsbankinn: Almenn sparisjóðsbók 4,70% (ávöxtuna er hægt að auka mikið með því að binda upphæðina í einhvern tíma).

Glitnir: Vild 8,50% (ávöxtun er þó hægt að auka með því að binda upphæðina í einhvern tíma).

S24: Sparnaðarreikningur 12,95%

Netbankinn: Vaxtarauki 12,11%

Byr:  Netreikningur 12,95%

Tekið af heimasíðum bankanna. 

 

Ég er með mitt sparifé á þessum reikningum sem SPRON er að auglýsa og ég nýt góðs af háu vaxtarstigi sem er hér á Íslandi. Mér dettur einna helst í hug að þetta fólk sem er svo fljótt að draga þessar ályktanir sé þau sem eru að kvarta yfir alltof háum vöxtum af lánunum fyrir bílunum sínum, flatskjánum og yfirdrættinum. Þetta er einfalt mál, ef það er þensla í þjóðfélaginu og vaxtarstig hátt þá er skynsamlegar að spara heldur en að taka lán fyrir öllu sem hugurinn girnist.


mbl.is 300 króna vaxtaauki af 100 þúsund krónum hjá SPRON
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband